Situata nga pandemia/ Mjeku i njohur jep lajmin e mirë: Ja çfarë pritet të ndodhë dy javët e ardhshme

Së fundmi mjeku Alban Ylli ka deklaruar se në Shqipëri aktualisht ka një transmetim intensiv komunitar të C.OVID19.

Ai shtoi se më me risk janë qytete të mëdha si Tirana, por virusi qarkullon dendur sidomos në qendrat urbane.

Por sipas tij, me masat që janë marrë, në 2 javët e ardhshme mund të shohim një frenim të kurbës.

“Në Shqipëri sikur kemi një farë frenimi javën e fundit, ndoshta në javët që vijnë mund të kemi një frenim, por aktualisht jemi në një qarkullim shumë intensiv të virusit”, tha mjeku për Euronews Albania.

Për mjekun Ylli, futja e testeve të shpejta edhe në Shqipëri do të ndihmojë shumë në ndjekjen e virusit, gjurmimin dhe marrjen e masave të duhura ku me një kosto shumë të ulët sociale mund të kontrollojmë virusin.