Sandër Lleshaj dha dorëheqjen/ Sali Berisha parashikon kush do jetë ministri i ri i Brendshëm

Ish-kryeministri Sali Berisha është shprehur se “policia po sillet e padenjë dhe e dhunshme” me protestuesit duke iu referuar përdorimit të panevojshëm të gazit lotsjellës.

Ai u shpreh se “këto 4 vjet është përdorur gaz lotsjellës katër herë sa 30 vite së bashku”.

Ndërkohë, i pyetur se kush mund të jetë ministri i ri i Brendshëm, Berisha nuk përmendi emër por mjaftua duke thënë: “Ndonjë përfaqësues i klaneve të drogës. Pse përfundoi policia kështu sepse një vagabond i lidhur me drogën u emërua në kryer të saj, Saimir Tahiri. Sepse i dyti, Xhafaj i drogës vinte po nga droga me vëllanë trafikant kurse i treti ka qenë këshilltar i kanabizimitm gjeneral hashashi.

Ish-kryeministri deklaroi se është kundër rrëzimit të qeverisë “Rama” me protesta të dhunshme duke theksuar se, “rrugëdalja është përmbysja e Edi Ramës më 25 prill”. “Unë nuk besoj tek marrja e pushteti me dhunë siç e mendonte ai. Besoj se ju e keni shumë të qartë se kjo protestë nuk është e organizuar nga opozita. Këto janë protesta të zemërimit popullor nga i cili Edi Rama nuk do të dalë i fituar kurrë”, u shpreh ish-kryeministri për “Euronews Albania”.