“Ruani fëmijët nga Iliri dhe Saliu” Rama thirrje të fortë prindërve: Nuk është batutë

Në mbyllje të konferencës, kryeministri Edi Rama i ka bërë thirrje të gjithë prindërve që të ruajnë fëmijët e tyre nga presidenti Ilir Meta dhe ish-kreu i qeverisë Sali Berisha.

Teksa komentonte protestat pas vrasjes së Klodian Rashës, Rama u shpreh se ky është mesazh për prindërit dhe nuk bëhet fjalë për një batutë.

“Dua ta mbyll me një thirrje për prindërit: Ruani fëmijët nga Ilir Meta dhe nga Saliu! E kam seriozisht dhe nuk bëhet fjalë për një batutë. Ruani fëmijët nga Ilir Meta dhe nga Saliu!”, u shpreh Rama.

Kujtojmë se apeli i kryeministrit vjen pas gjashtë ditësh protesta në vend.

Në grumbullimet e mbajtura në shumë qytete të Shqipërisë është vënë re një prezencë e madhe e adoleshentëve dhe të miturve.