LIGJET E BIZNESIT
Mbrëmjen e sotme kryeministri Edi Rama ka dalë në një intervistë ndryshe.
Ai ka vendosur të tregojë si rrallëherë më parë gjithë zyrën e tij me detaje, ku vihen re shumë piktura, mes tyre dhe një vizatim i djalit të tij të vogël Zaho.
Në të bie në sy shprehja: Babi, jam shumë krenar për ty.
Gjithashtu vëmendjen tërheqin dhe kravatat me shumë ngjyra të kryeministrit, për të cilat ai thotë se janë rezultat i një bashkëpunimi mes tij dhe një shoqe nga shkolla, ndësa në zyrë ka dhe shumë dhurata të liderëve botërorë.
Këto (kravatat) janë prodhimet e një bashkëpunimi mes meje dhe një shoqes time të shkollës. Unë bëj dizajnet dhe ajo i kthen në kravata.
Unë dhuratat i protokolloj dhe i arkivoj. Këtu janë një pjesë e dhuratave. Pjesa tjetër janë nëpër korridor dhe poshtë në një pjesë që nuk është shfaqur ndonjëherë.
Printimet e zyrës janë pikturat që lindin gjatë punës. Kalojnë në kompjuter dhe kalojnë më pas si letër murale.
Gazetari Blendi Fevziu ka marrë në dorë disa lapsa me ngjyra, për të cilat Rama thotë se janë “droga e tij”.
Në zyrën e Ramës janë edhe dy karrige të vjetra, për të cilat ai thotë se i ka shpëtuar nga depoja e parlamentit.
“Këto karrige i kam shpëtuar të dyja me Erion Braçen, që po i merrnin nga depoja e parlamentit për t’i çuar nuk e di ku”, tha Rama.
Për sa i përket marrëdhënis me ish-kryeministrin Fatos Nano, Rama u shpreh se ata kanë një marrëdhënie të bukur, pasi Nano e kupton presionin që ka një kryeministër, pasi kur je në majë je shumë më i vetmuar se ndonjëherë tjetër.
“Fatos Nano ka qenë për herë të parë në këtë zyrë. Raporti me të sot është i bukur.
Komunikojmë hera herës dhe pjesa e bukur e raportit është se ai ka qenë këtu dhe e di se çfarë do të thotë presioni i kësaj zyre. Kjo zyrë ka shumë vetmi. Njerëzit mendojnë se kur hipën na majë je i rrethuar me shumë njerëz, por je më vetëm se ansnjëherë tjetër sepse kur vjen koha e vendimeve të vështira, je komplet vetëm”, shprehet Rama.
Kravatat:
Piktura e Zahos:
