“Rama ik!” Tensionohet situata, protestuesit frymëzohen nga dorëheqja e Lleshajt. Turma shpërndahet me ujë e gaz lotsjellës

Tensionohet situata në Ministrinë e Brendshme.

Protestuesit kanë nisur të përplasen me punonjësit e policisë.

Në drejtim të tyre janë hedhur sende të forta, ndërsa efektivët kanë përdorur gazin lotsjellës dhe autobotët me ujë për të shpërndarë turmën.

Dhjetra qytetarë janë mbledhur njësoj si dje.

Pas lajmit të dorëheqjes së ministrit të Brendshëm Sandër Lleshaj, protestuesit duartrokitën disa minuta, për të rifilluar më pas me goditjet ndaj institucioneve.

Me thirrjet “Rama ik” dhe “Poshtë diktatura” protestuesit kanë hequr barrierat metalike dhe po i përdorin për të goditur policët.