LIGJET E BIZNESIT
Në Tiranë, disa qindra qytetarë protestuan sot në mbrëmje përballë kryeministrisë dhe ministrisë së punëve të brendshme pas vrasjes me armë zjarri nga policia të hënën pas mesnate të një të riu 25-vjeçar, që nuk iu bind një patrulle policore.
Protestuesit kërkojnë dorëheqjen e ministrit të brendshëm Sandër Lleshaj dhe drejtësi për të riun e vrarë. “Poshtë komunizmi!”, “Poshtë Diktatura!”, “Lleshaj, jep dorëheqjen!”, “Rama ik!”, “Duam Drejtësi për Klodianin” ishin disa nga parrullat e protestës.
Pas përplasjes me një numër të vogël policësh pranë ministrisë së brendshme, protestuesit vazhduan protestën para kryeministrisë.
Atje ata dogjën një pemë krishtlindjesh dhe goditën me sende të forcat e rendit, të cilët përdorën sprajt djegës dhe gazlotsjellës për të larguar protestuesit.
Grupe protestuesish qëndruan në shëtitoren “Dëshmorët e Kombit” herë duke u rimbledhur te kryeministria e herë te ministria e punëve të brendshme.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Më pas ata zbritën në sheshin Skënderbej, ku dogjën edhe atje një pemë krishtlindjesh, dhe ku sërish policia përdori gazin lotsjellës.
Familjarët e të riut të vrarë, Klodian Rasha, pohuan se shkelja e tij e vetme ishte se gjendej jashtë banesës në kohën e ndalimit të qarkullimit për shkak të pandemisë.
Policia ka ndaluar kolegun e vet që shtiu me armë zjarri dhe i mori jetën të riut dhe deklaroi se po vazhdon hetime për ngjarjen.
Një zëdhënës i forcave të rendit tha se 9 policë janë paraqitur në spitale për plagë të ndryshme, ndërsa gjatë protestës u plagosën edhe së paku një gazetar dhe një protestues./VOA
