“Polici vrau një njeri, por arma është e shtetit” Rama flet për Klodian Rashën: Ndjesa na takon ne, autori do hetohet

Në video-mesazhin e publikuar sot, kryeministri Edi Rama ka folur për ekzekutimin e të riut Klodian Rasha nga efektivi i policisë dy ditë më parë.

Ai ka deklaruar se dhe pse vrasja u krye nga një njëri, përgjegjësinë e ka shteti pasi arma ishte e shtetit.

Kreu i qeverisë shtoi se ka mbetur i prekur nga fjalët e babait të Klodianit kur shkoi në familjen e tij.

“Humbja e jetës së një djali nga tejkalimi ekstrem i forcës së një efektivi ishte një tragjedi për familjen dhe një lajm tronditës. Pamundësia për të qenë këtu pa pamundësoi mesazhin. Ngjarjet e dhunshme dje morën sebepin për t’u shpalosur me vulgaritetin. Sapo kam zbritur në Tiranë kam shkuar në familjen e të ndjerit. Jam prekur pamasë nga përulësia e tyre dhe fjalët e babait të Klodianit. Ne duam drejtësi dhe jo luftë politike më tha ai.

E kam të qartë se fjaltë janë të pafuqishme përballë dhuimbjes dhe boshllëkut që përjetojnë familjarët e tij. Përveçs ngushëllimit, marrjes pjesë në dhimbjen e tyre, asgjë nuk mbetet pas.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Efektivi i policisë ka vrarë një njeri në mënyrë të pashpjegueshme. Pavarësisht faktit se vrasja është kryer nga një njeri, arma është e shtetit dhe ndjesa i takon shtetit. Autori do të hetohet dhe gjykohet nga organet e drejtësisë. Akti i tij ngjan fare iu pakuptueshëm dhe i paarsyetueshëm, por drejtësia do të thotë fjalën e fundit”, tha Rama.