LIGJET E BIZNESIT
Ditën e sotme ministri i ri i Brendshëm Bledi Çuçi ka prezantuar sondazhin e një agjencie suedeze mbi perceptimin e qytetarëve për punën e Policisë së Shtetit.
Ai u shpreh se anketimi është kryer para ngjarjes së rëndë që tronditi vendin, ekzekutimit të Klodian Rashës nga një efektiv policie, që solli dhe një valë protestash dhe dorëheqjen e Sandër Lleshajt.
Ministri Çuçi e quajti ngjarjen e rëndë një “rast të veçuar që nuk ka lidhje me trajektoren e punës së policisë”.
“Komunikimin e parë si ministër i Brendshëm me publikun ta bëj e ta paraqisja personalisht këtë barometër, rezultate të sondazhit për arsye se si gjithë shqiptaret, unë në këtë pozicion dhe si anëtar i qeverisë ndihem shumë mirë që perceptimi për punën e bërë nga policia që prej 2013 e deri më sot është jashtëzakonisht pozitiv.
Sondazhi vjen në një moment specifik se javën e fundit kemi përjetuar një situatë jo të zakonshme nga një rast krejt i veçuar që s’ka lidhje me trajektoren e punës së policisë por nxori në sipërfaqe atë kategori njerëzish apo personazhesh publikë që s’lënë rast pa hedhur baltë mbi punën e policisë dhe qeverisë.
Rezultatet e sondazhit kanë dalë përpara ngjarjes së ndodhur disa ditë më parë.
Policia e shtetit është sot shumë më tepër apolitike, jo e varur, shumë më tepër e besueshme nga publiku për punën që bën, e shef me shumë më tepër respekt punën e policisë, që prej 2013″, u shpreh ministri.
