Pamje të rënda/ Tërmeti i fuqishëm në Kroaci shkakton shumë të plagosur, një fëmijë humb jetën (VIDEO)

Mesditën e sotme Kroacia është goditur nga një tërmet me magnitudë 6.4 të shkallës Rihter.

Lëkundjet me epiqendër në Petinja kanë zgjatur rreth 20 sekonda.

Ndërkohë pamje të rënda vinë nga vendngjarja, ku janë shembur banesa e pallate.

Për fat të keq mediat e huaja kanë raportuar dhe për viktimën e parë që është një fëmijë.

Mësohet se fëmija ishte në rrugë me nënën, mirëpo gjatë goditjes së tërmetit i ka rënë një copë beton duke e lënë të pajetë.

Dyshohet për një numër të lartë të plagosurish pasi janë shembur shumë banesa private dhe pallate.

Në vendngjarje ka mbërritur dhe kryeministri Andrej Plenković.