Nuk përmbahet Rama, i hedh ‘benzinë’ zjarrit të protestuesve: Kërkojnë dorëheqjen e Ardi Veliut? Ta harrojnë!

Pas protestës së djeshme, ku ish-Ministri i Brendshëm, Sandër Lleshaj dha doreheqjen, qytetarët kanë kërkuar dhe largimin e Ardi Veliut me cdo kusht. Në një reagimin në rrjetin e tij social Twitter, kryeministri Rama ka reaguar ashpër duke thënë se pushteti do të merret vetëm me votë.

nReagimi i Ramës:

Kërkojnë dorëheqjen e Drejtorit të Përgjithshëm të Policisë se ndryshe do djegin e shkatërrojnë? Ta harrojnë! Gabon shumë kush kujton se qytetaria e ministrit të brendshëm është dobësi dhe harron se ky shtet është i qytetarëve jo i barbarëve! Pushteti merret me votë jo me djegie!

Policia e Shtetit as do merret dot peng, as do lëkundet dot nga politika e vjetër e dhunës e nga dhunuesit e nxitur prej saj! Policia e Shtetit nuk është një polic që vrau e që sot është në duart e drejtësisë dhe kush nuk do të respektojë ligjin do përballet me forcën e ligjit!

Ne nuk do të lejojmë askënd që të rrënojë çka është ndërtuar me mund e me punë të madhe dhe Policia e Shtetit është një nga shembujt e ndryshimit, që vazhdon me mundin e shumë njerëzve çdo ditë! Shantazhet dhe dhuna ndaj policisë nuk kanë lidhje as me lirinë as me demokracinë!