LIGJET E BIZNESIT
Data e sotme 1 dhjetor 2020, shënon plot një vit që nga dita kur pacienti i parë në botë shfaqi simptomat e k.oronavirusit të ri në Hubei të Wuhanit.
Ky përfundim u pas një studimi të rëndësishëm të revistës mjekësore Lancet.
Ndërkohë, po sot CNN ka publikuar disa dokumente të brendshme ku flitet për atë që Kina dinte rreth virusit të ri që kishtë shpërthyer por që ende nuk kishte një emër.
Ka qenë data 10 shkurt kur në Pekin Presidenti Xi Jinping, i cili për javë të tëra kishte munguar në sytë e publikut, iu drejtua stafit të spitalit në qytetin e Wuhan teksa ata luftonin për të frenuar përhapjen e një koronavirusi ende të paemëruar zyrtarisht.
Xi u shprehu ngushëllimet familjeve të atyre që kishin vdekur dhe kërkoi një komunikim më të madh publik, pasi në të gjithë botën ishin ngritur shqetësime rreth kërcënimit të mundshëm që paraqiste sëmundja e re.
Të njëjtën ditë, autoritetet kineze raportuan 2,478 raste të reja të konfirmuara me virusin e ri.
Megjithatë CNN shkruan se dokumentet zyrtare që kanë rrjedhur nga Kina tregojnë se kjo ishte vetëm një pjesë e panoramës në këtë shtet.
Në një raport që mban shënimin “dokument i brendshëm, ju lutem mbajeni konfidencial”, autoritetet lokale shëndetësore në provincën e Hubei, ku virusi u zbulua për herë të parë, rendisin një total prej 5,918 rastesh të zbuluara rishtas më 10 shkurt, më shumë se dyfishi i numrit të raportuar zyrtarisht.
Kjo shifër nuk u zbulua kurrë plotësisht në atë kohë, siç dukej për shkak se në trazirën e javëve të para të pandemisë, Kina donte të minimizonte ashpërsinë e shpërthimit të virusit, shkruan CNN.
Shifra e pazbuluar më parë është mes një vargu te dhënash të tjera në 117 faqe dokumente të zbuluara nga Qendra Krahinore Hubei për Kontrollin dhe Parandalimin e Sëmundjeve, të ndara me dhe të verifikuara nga CNN.
Të marra së bashku, dokumentet arrijnë në rrjedhjen më të rëndësishme nga brenda Kinës që nga fillimi i pandemisë dhe sigurojnë panoramën e parë të qartë për atë që autoritetet lokale dinin në fillim të pandemisë.
CNN ka kontaktuar Ministrinë e Punëve të Jashtme të Kinës dhe Komisionin Kombëtar të Shëndetësisë, si dhe Komisionin Shëndetësor të Hubei-t, për të komentuar mbi gjetjet e zbuluara në dokumente, por nuk mori asnjë përgjigje.
Ekspertët e shëndetësisë thanë se dokumentet e rrjedhura kishin rëndësi për atë që dinte Kina në muajt e parë të pandemisë.
“Ishte e qartë se ata bënë gabime – dhe jo vetëm gabime që ndodhin kur ke të bësh me një virus të ri, por edhe gabime burokratike dhe të motivuara politikisht në mënyrën se si ata e trajtuan virusin” tha Yanzhong Huang, një anëtar në Këshillin për Marrëdhëniet me Jashtë për shëndetësinë globale, i cili ka shkruar gjerësisht për shëndetin publik në Kinë.
“Këto patën pasoja globale. Ju kurrë nuk mund të garantoni transparencë 100%. Nuk ka të bëjë vetëm me ndonjë fshehje të qëllimshme, por jeni gjithashtu të detyruar nga teknologjia dhe çështje të tjera kur ke të bësh me një virus të ri. Por edhe nëse ata do të kishin qenë 100% transparent, kjo ndoshta nuk do ta kishte ndaluar këtë zhvillim në një pandemi”.
Dokumentet e rrjedhura janë verifikuar nga gjashtë ekspertë të pavarur të cilët shqyrtuan vërtetësinë e përmbajtjes së tyre në emër të CNN.
