LIGJET E BIZNESIT
Kryeministri Edi Rama udhëtoi pak ditë më parë drejt SHBA, me qëllimin për të siguruar vaksinën anti-Covid. Ai madje u takua edhe me drejtorin e Përgjithshëm të Kompanisë Pfizer, Albert Burla, me të cilën ndau dhe një foto.
Nga SHBA, Rama theksoi se ambicia e qeverisë shqiptare ishte që brenda shkurtit të nisë vaksinimi.
Por mjeku Artan Koni, i ftuar në “Tempora” thotë se kjo histori nisi dhe përfundoi me atë foto pasi asnjë kompani nuk ka interes të negociojë më askënd pasi ka prodhuar vaksinën.
Koni: Një foto çasti, asgjë më tepër. Çdo kompani në momentin që prodhon vaksinën nuk ka më kohë të negociojë me ty. Ka 9 muaj që negocion me shumë vende të botës që e pronotojnë, bëjnë pagesën duke marrë përsipër dhe riskun që vaksina mund të mos dalë.
Koni thotë se mundësia e vetme për Shqipërinë që të sigurojë vaksinën është përmes programit COVAX, por projeksionet që ai të shpërndajë këto vaksina janë për fundin e vitit të ardhshëm.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Koni: Përderisa nuk kemi një tratativë direkte me një prodhues besoj se vaksina që do të na vijë ne do të jetë nga COVAX. Ka dhe një të mirë se të bie shumë më lirë por shkon shumë më vonë. Firmat që prodhojnë vaksinën janë të prirura t’ua shpërndajnë atyre qeverive që kanë bërë marrëdhënie direkte. Pastaj do ti vijë radha COVAX. Projeksionet janë që të shpërndajë vaksina në fund të vitit të vjen.
