LIGJET E BIZNESIT
Mjeku, Genc Sulçebe pranon se testet e kryera nuk janë të mjaftueshme për të mësuar numrin e personave të infektuar me ko ronavirus në vend dhe se shifrat janë surprizë.
Ndërkohë, në “ABC News’, Sulçebe ka shtuar se duhet të presim 3 muaj për të arritur imunitetin e popullatës.
Sipas Sulçebe në rast se kjo ndodh vendi do të shkonte në gjendje endemike, ndërsa shtoi se kjo do të arrihet vetëm kur 70% e popullsisë të Tiranës do jetë imunizuar.
“Kemi rritje të imunitetit. Asnjëherë testet nuk janë mjaftueshëm sa duhet. Nuk ështe thjeshtë të bësh testime masive. Mangësi të testimeve ka pasur kudo. Gjurmimi do mjaft burime njerëzore sepse do të thotë të kapësh kontaktet e personave që janë të sëmurë. Nuk është e lehtë. Do shumë asete dhe nuk mund të themi se mund të realizohet përveçse në disa vende të Azisë Lindore.
“Shifra ishte një surprizë. Ne prisnim maximumi 30% dhe pak a shumë duke parë ecurinë e epidemisë që nga korriku e deri tani shikonim nga 30 deri në 35%. Kemi pasur përhapje të vazhdueshme të infeksionit. Imuniteti i tufës mendohej se do të arrihej me 60% të popullatës të imunizuar. Kjo popullatë shërben si barrierë mbrojtëse.
“Është evidentuar në muajt e fundit që infeksioni është rritur. Nëse ne në Tiranë jemi 50% duhet të shkojmë te 70% për të arritur imunitetin e tufës. Duhen të paktën edhe tre muaj. Kur arrihet imuniteti nuk zhduket sëmundja por kalohet në një situatë endemike. Ekziston infeksioni por më pak se tani”, tha Sulçebe.
