Merrni masat/ Reshje shiu dhe ndryshim temperaturash, ja parashikimi i motit për sot

Ditën e sotme në vendin tonë do të mbizotërojë moti i vranët që do të sjellë reshje në të gjithë territorin.

Intensiteti më i lartë do të jetë në zonat jugore gjatë pasdites.

Ndërsa në zonat e thella malore reshjet do të jenë në formën e borës.

Sipas parashikimit të Meteoalb, sot temperaturat do të pësojnë një rritje të lehtë, ku do të variojnë: në zonat malore, nga -1°C në 04°C, në zonat e ulëta nga 07ºC në 11°C dhe në zonat bregdetare nga 09°C në 14°C. Era do të fryjë në drejtim Jugor ndërsa forca e valëzimit në det do të jetë 5 ballë.

Kosova sot do të mbizotërohet nga alternime vranësirash dhe kthjellimesh të cilat do të sjellin mot të kthellët por që herë pas here do të zëvendësohet nga reshjet. Temperaturat do të pësojnë një rritje të lehtë ku do të variojnë: në zonat malore nga -1°C në 06°C dhe në zonat e ulëta nga 02°C në 09°C.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern