Merret vendimi/ Vetëm kështu do kalohet kufiri grek

Greqia ka propozuar që emigrantëve dhe atyre që kalojnë në pikat kufitare me Shqipërinë, t’u bëhet tamponi përpara kontrollit të pasaportave.

Kjo masë është menduar për të ruajtur shëndetin e stafit të policisë kufitare. Lajmi u bë i ditur gjatë një vizite të zv/ministrit të Mbrojtjes Civile të Greqisë, Nikos Hardalia në Janinë.

Në mënyrë që efektivët e policisë së kufirit të mos kenë kontakt me të infektuarit, pritet që së shpejti ata që do të hyjnë në territorin grek, të bëjnë më parë testin e Covid-19.

Nëse ndonjë nga personat do të rezultojë pozitiv me koronavirus, ai do të kthehet mbrapsht pa u vënë në kontakt me policët e pikës doganore.