Merret vendimi/ Ministrja e Arsimit tregon datën: Ja kur do nisë mësimi pas Vitit të Ri

Ministrja e Arsimit Evis Kushi, ka bërë të ditur sot se mësimi në shkolla pas pushimeve të Krishtlindjeve dhe Vitit të Ri, do të nisë më datë 11 janar.

Kushi ishte e pranishme në Pustec, gjatë një aktiviteti në të cilin ndodhej dhe kryeministri i Maqedonisë së Veriut Zoran Zaev.

Numri një i arsimit në vend deklaroi se ky vendim u mor në bashkëpunim me Komitetin Teknik të Ekspertëve.

“Në bashkëpunim me Komitetin e Ekspertëve kemi vendosur që pas pushimeve të fundvitit shkolla të nisë në datën 11 janar dhe jo në 4, siç parashikonte urdhri i mëparshëm”, u shpreh Kushi.

Kujtojmë se që prej 1 dhjetorit në shkolla ka nisur mësimi i alternuar, me prani fizike në shkollë dhe online.

Ndërsa në universitete mësimi po ndiqet vetëm online.