“Më erdhi turp” Jozefina Topalli kthehet pas në kohë, tregon incidentin e pakëndshëm: Salla ishte mbushur plot

Ish-kryeparlamentarja Jozefina Topalli është kthyer pas në kohë në një rrëfim të fundit.

Ajo ka treguar se gjatë fëmijërisë së saj  ka patur disa pasione, ku mes tyre ishte dhe kitara.

Ndër të tjera Topalli kujton momentin e sikletshëm kur doli në skenë për të luajtur, por për fat të keq ju këput teli.

“Kam qenë fëmijë kur kam dalë në skenë për herë të parë dhe sapo dola mu këput teli kitarës. Në ato momente, ata që ishin në prapaskenë më thonin dil dhe eja të lidhim telin, por mua më vinte turp pasi teatri Migjeni ishte i mbushur plot. Nuk ma merrte mendja që teli të lidhej , por shkova, e mbaj mend që isha mbuluar në djersë.

Janë situata që të mbeten në mendje. Mendoj se dështime të caktuara i kujtojmë më vonë e tani gjej veten duke qeshur, them nuk ja vlen për tu mërzitur për gjëra të vogla dhe pa rëndësi”, tha Topalli.