“Kur erdha nuk e takova dot gjallë” Flet e prekur motra e Klodian Rashës: E kam vëlla të vogël, më ka prek në zemër

Motra e 25-vjeçarit Klodian Rasha të vrarë ditën e djeshme nga një efektiv policie në Tiranë, ndodhet e pranishme në protestën e sotme.

Në një deklaratë para mediave ajo ka kërkuar drejtësi për të vëllanë, teksa mbante në duar një flamur kuq e zi.

E reja rrëfen se priste që vëllain ta gjente shëndoshë e mirë kur të vinte nga Italia, por e ka parë në arkivol të pajetë.

Më tej ajo shton se është shumë e prekur nga kjo ngjarje.

“E vranë kot. Kërkojmë të drejtën tonë. Isha në Itali dhe erdha me urgjencë sapo morëm vesh se çfarë ka ndodhur. Ka qenë djalë i mirë, nuk ka pasur asnjë problem, ka qenë shumë i qetë. Ka pas dhe një vajzë në jetën e tij, ishte nga Dibra. Kur erdha unë nuk e takova dot të gjallë, e pashë në arkivol. Më ka prek në zemër. Kam dhe dy vëllezër të tjerë, unë jam motra e vetme, ishte vëllai i vogël. Policia që është shtet të qëllojë njëherë në ajër…pastaj…jo ashtu, direkt në zemër,” ka deklaruar e prekur motra e Klodian Rashës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern