Kritikat dhe denoncimet ndaj qeverisë/ QSUT merr vendim, pushon nga puna mjekun Ilir Allkja

Mjeku i urgjencës në QSUT Ilir Allkja është larguar sot nga detyra.

Mësohet se atij i është ndërprerë kontrata e punës pak ditë pas paralajmërimit që iu bë.

Kujtojmë se Allkja gjatë muajve të pandemisë ka denoncuar shpeshherë situatën e rënduar në spitale, mungesën e mjeteve mbrojtëse për mjekët dhe stafet mjekësore, apo mbajtjen e pacientëve në ambulanca për orë të tëra, për shkak të mbingarkesës në spitalet C ovid.

QSUT-ja ka marrë vendimin që të ndërpresë marrëdhëniet e punës me mjekun e njohur Ilir Allkja, duke e pezulluar nga puna me motivin se ka shkelur kodin etik të punonjësit.

“Reagimet e vazhdueshme të mjekut Ilir Allkja në mediat sociale dhe audiovizive të cilat konsistojnë në disinformim të publikut, deklarime të rrema, përhapje paniku si dhe ushtrim të presionit psikologjik mbi administratën si dhe në Memo të Drejtorisë së Burimeve Njerzore dt. 29.12.2020, mbi problematikat e shkaktuara nga mjeku Allkja,” thuhet në njoftim, e firmosur nga Enkelejd Joti.

Sipas vendimit të QSUT-së, çdo punonjës i këtij institucioni nuk duhet të bëjë në publik komente të papërshtatshme të tilla si vërejtje mbi politikën apo programe të Institucionit, deklarata apo opinone personale që mund të interpretohen su zyrtare, sulme kundër administratës apo punonjësve të tjerë të institucionit.