Kërcet arma që në pikë të mëngjesit/ Plagoset një person, policia me urgjencë në vendngjarje (EMRI)

Një plagosje me armë zjarri ka ndodhur mëngjesin e sotëm në Lezhë.

Mësohet se shtetasi Hilë Gjini është qëlluar me dy plumba në fshatin Balldre.

Ndërkohë sipas informacioneve policia ka identifikuar autorin e plagosjes, me inicialet Gj.Gj, po banor i këtij fshati.

Ajo që tregojnë dhe banorët dëshmitarë në vendngjarje, Hila Hila sapo kishte dalë nga shtëpia për të dërguar fëmijët në shkollë, ndërsa është përballur me një bashkëfshatar të tij, i cili e ka qëlluar me dy plumba në bark.

I plagosuri ka qëndruar në automjetin e tij gjatë gjithë kohës me fëmijët dhe bashkëshorten derisa ka mbërritur policia  dhe ambulanca.

Hilë Gjini është dërguar në spitalin e Lezhës në gjendje të rëndë.

Policia është nisur me urgjencë drejt vendngjarjes dhe ka nisur hetimet për zbardhjen e rrethanave.