Jo vetëm në Tiranë/ E gjithë Shqipëria në këmbë për Klodian Rashën, protesta dhe në këto qytete

Vrasja e të riut Klodian Rasha një ditë më parë nga policia, ka shkaktuar një reagim të gjerë në opinionin publik.

E gjithë Shqipëria duket se është ngritur në këmbë pas kësaj ngjarjeje të rëndë.

Në Gjirokastër dhjetëra qytetarë kanë marshuar rrugëve të qytetit, duke u ndalur tek Institucioni i Prefektit të Qarkut ku edhe kanë ndezur qirinj.  Ata kërkojnë që për vrasjen e të riut nga efektivi i policisë të vihet drejtësia në vend.

“Jemi këtu për të mbrojtur jetën e të gjithë fëmijëve tanë. Po përballen më policinë diktatoriale”, u shpreh një nga qytetarët.

Po ashtu protesta ka patur dhe në qytetetin e Durrësit, ku protestuesit kanë dalë  para godinës së Prokurorisë në Durrës duke bërë apel për drejtësi.

“Në Shqipëri nuk dihet sa vlen jeta e njeriut”,- shtuan ata.