LIGJET E BIZNESIT
Ditën e sotme Akademia e Shkencave ka bërë të ditura rezultatet e fazës së dytë të studimit mbi përhapjen e C OVID19 në Shqipëri.
Të dy mjekët Genc Sulçebe dhe Alban Ylli që kanë drejtuar studimin, kanë arritur në përfundimin se 50% e popullatës në Tiranë e ka kaluar k oronavirusin dhe kanë fituar antitrupa.
Shumica prej tyre janë asimptomatikë, e megjithatë kanë arritur që të krijojnë antitrupa, duke u bërë në këtë mënyrë imun.
Akademia e Shkencave ka ndjekur në vazhdimësi nivelin e imunitetit të fituar në popullatë ndaj Sars Cov-2, nëpërmjet testimeve serologjike të realizuara nga specialistёt imunologë, pjesë e shërbimit të imunologjisë pranë QSUT, anëtarë e bashkëpunëtorë të Akademisë.
“Në fund të 2020 mbi 50% e popullsisë së Tiranës janë imunë ndaj koronavirusit. Përparësi që të vaksinohen kanq ata që nuk e kanë kaluar infeksionin. Sepse janë më të brishtë. Të tjerët kanë anti-trupa”, tha mjeku Genc Sulçebe.
Ndërkohë që sipas të dhënave në të gjithë vendin mbetet ende e ulët përqindja e personave që e kanë kaluar Covid. Tirana ka numrin më të lartë të personave që e kanë kaluar Covid, ndërsa në rang vendi llogaritet që 25% e qytetarëve janë ekspozuar ndaj virusit.
