“Ja pse i vrava” I mori jetën dy motrave në Tiranë, zbardhet dëshmia tronditëse e autorit

Zbardhet dëshmia e 59 vjeçarit Përparim Ademi, autori i vrasjes së dy motrave në zonën e Astirit në Tiranë mëngjesin e sotëm.

Ai ka deklaruar në polici pas arrestimit se krimin e rëndë e ka kryer për motive xhelozie, pasi dyshonte se bashkëjetuesja e tij e tradhëtonte.

“Vrasjen e kam bërë për motive xhelozie. Dyshoja se më tradhtonte. U nisa për t’u vetëdorëzuar në polici”, ka thënë ai para policisë.

Kujtojmë që ngjarja e rëndë ka ndodhur mëngjesin e sotëm në Astir në Tiraë, ku 59 vjeçari Përparim Ademi vrau bashkëjetuesen e tij dhe motrën e saj me kallashnikov.

Viktimat janë Kristina Bardhi dhe Zhaneta Metani, ndërsa sipas drejtorit të policisë së Tiranës Rebani Jaupi, dëshmitarë të vrasjes së dy motrave kanë qenë 2 fëmijë e mitur të njërës prej tyre.