“Ja kur do të mbërrijë vaksina” Rama jep lajmin e mirë: Jam njish për të lypur për shqiptarët

Gjatë konferencës që po mban aktualisht përballë gazetarëve në mbylljen e vitit, kryeministri Edi Rama ka bërë një përmbledhje të punës së bërë nga qeveria e tij.

Mes të tjerash, ai përmendi dhe vaksinat anti- C OVID19 që në Shqipëri ende nuk kanë mbërritur.

Rama deklaroi se në mes të janarit 2021 do të nisë vaksinimi i mjekëve dhe infermierëve.

Kryeministri shtoi se po bën të gjitha përpjekjet për të siguruar vaksinën, ndryshe nga sa pretendon kryedemokrati Lulzim Basha.  Teksa foli për vendet fqinje që kanë nisur vaksinimin, Rama u shpreh se kur vjen puna për shqiptarët, ai është “njësh për të lypur”.

“Ne jemi të bindur që do të fillojmë vaksinimin pa pritur që të kalojë ky ngërç, do e fillojmë brenda janarit dhe kam tendecë të besoj që ne mes të janarit do jemi në gjendj të fillojmë vaksinimin me mjekë e infermierë dhe më pas në grupet e tjera vunerabël, mësyes, punonjës policie dhe më të mëshuarit, jemi në diskutime dhe me Modernan dhe AstraZenerca dhe besoj që shumë shpejt do finalizojmë marrëveshjen me Pfizer dhe kjo është arsyeja se përse kjo mbetet në këtë fazë një punë intesive diplomatike dhe komunikimi në të katërta anët.

Nuk ekziston asnjë mundësi për të bërë kontrata direkte të palidhura me strategjinë e përgjithshme dhe ata që kanë akses kanë hyrë në kornizën e strategjisë së përgjithshme, jemi shumë pranë të një marrëveshje të shkruar që kemi filluar që nga takimi ne Njy York. Jam njësh për të lypur kur vjen puna për shqiptarët”, u shpreh Rama.