“Isha te familja, fola me të atin” Spiropali komenton protestat për Klodian Rashën: Ja kush po i organizon

Në ditën e tretë të protestave në vend pas vrasjes së të riut Klodian Rasha nga efektivi i policisë, ministrja Elisa Spiropali deklaroi se këto grumbullime janë të organizuar nga politika dhe jo qytetarët e thjeshtë.

Ajo e ka vendosur gishtin te ish-kryeministri Sali Berisha dhe Presidenti Ilir Meta.

“Mjafton të lexosh statuset e presidentit, Sali Berishës, jo më larg se dje deklaroi se më 21 janar. Ai që pretendon të vijë sërish në pushtet, nuk lodhen bashkë me Metën që të sulmojnë institucionet.”

Spiropali deklaroi se ishte në shtëpinë e familjes Rasha ndërsa aty ajo thotë se vlerësoi sjelljen e familjarëve që edhe pse në dhimbje, ishin të kthjellët.

“Isha tek familja e tij, i ati me një fisnikëri tha që do drejtësi, tek shteti im që i besoj. Polici është në burg sot, po hetohet. Do mbajë përgjegjësitë e tij. Një jetë nuk shkon dëm. Fisnikëria e tij dhe në dhimbje është shumë larg nga ajo që shohin nga turmat politike.”-u shpreh ministrja.