“Isha në janar dhe…” Bamir Topi ngre dyshime, flet për udhëtimin në Kinë pak para shpërthimit të pandemisë

Ish-presidenti Bamir Topi ka bërë së fundmi një rrëfim të pazakontë.

Ai ka deklaruar se në fillim të këtij viti ka bërë një udhëtim në Kinë.

Ndërsa sot, gati nëntë muaj nga shpërthimi i pandemisë, ai e kujton i habitur atë që përjetoi gjatë vizitës së tij.

Topi rrëfeu ndër të tjera se në janar vizitoi Pekinin, ku pa aktivitete të shumta, grumbullime masive njerëzish dhe një qetësi absolute që nuk të linte asgjë për të dyshuar se vetëm pak ditë më pas, një virus do shpërthente në Wuhan, për të infektuar të gjithë botën e duke marrë qindra-mijëra jetë njerëzish.

“Unë kam qenë në janarin e këtij viti në Kinë, dhe jam kthyer në mos gaboj, në 15 janar. Kam qenë në Pekin, nuk flitej fare, kishte aktivitete me shumë njerëz, turistë të shumtë. Një javë përpara se të dilte ky problem, ishte një qetësi absolute. Lajmi zyrtar për shpërthimin e virusit, ka qenë në fund të janarit. Prandaj dhe del pyetja, si ka mundësi? Në Ëuhan për shembull, në atë kohë nuk fliej fare. Kjo tregon që ose s’kanë patur dijeni, ose e dinin dhe mundoheshin ta fshehnin”, tha Topi në emisionin “Pesë pyetje nga Babaramo”.