Ikën Sandër Lleshaj/ Vrasja e Klodian Rashës, Rama jep lajmin: Më ka kërkuar dorëheqjen

Në komunikimin e pak minutave më parë, kryeministri Edi Rama ka deklaruar se pas vrasjes së Klodian Rashës nga një efektiv policie dy ditë më parë, ministri i Brendshëm Sandër Lleshaj i ka paraqitur dorëheqjen.

Kreu i qeverisë menjëherë i ka thënë ministrit se duhet të priste derisa të kthehej nga SHBA, dhe shtoi se Lleshaj nuk mban asnjë përgjegjësi për aktin e rëndë të policit.

“Edhe pse nuk kanë qenë të pakta herët kur jemi përballur me inskenime, kurrë nuk e kemi keqpërdorur policinë. As kur protestuesit kanë qenë militantë dhe fanatikë të partive kundërshtare, të mblehdur në autobuza të paguar, si ata që i vunë zjarrrin pemës së Krishtlindjeve. Sot u them të gjithë efektivëve, në radhë të parë atyre që u përballën me protetsuesit dje, të ngrihen krenar me uniformën.

Efektivi i policisë që shkrehu armën kundër Klodianit është vetëm një veçim. Menjëherë pas ngjarjes, Lleshja më vuri në dispozicion dorëheqjen e tij, jo vetëm për të larë gojën. I kam thënë “pres të kthehem” se kam dashur ta shoh në sy dhe të jem bashkë me të. U takuam sot dhe jam shumë krenar për atë që është Sandër Lleshaj. Në këtë vend nuk janë të gjithë njësoj. Ai s’ka asnjë lidhje me aktin e rëndë të policit,as direkt dhe as indirekt”, tha Rama.