LIGJET E BIZNESIT
Autoritetet doganore të PKK të Kapshticës njoftojnë se nga dita e sotme lejohet kalimi i këmbësorëve dhe mjeteve të tonazhit të rëndë që transportojnë mallra dhe ushqime nga Greqia drejt Shqipërisë.
Dogana do të jetë e hapur vetëm për dy kategoritë e mësipërme, nga ora 06.00-22.00, por vetëm për të hyrë në Shqipëri, pasi dalja nga territori ynë drejt Greqisë ëhstë e ndaluar.
“Informohemi nga Autoritetet e Policisë Greke, se në vijim të masave të marra mbi përballimin e situatës së krijuar për shkak të pandemisë COVID-19, prej ditës së sotme dhe në vazhdim, nga ora 06:00 deri në orën 22:00, do të lejohen të dalin nga Greqia dhe të hyjnë në Shqipëri nëpërmjet kësaj Pike Kalimi, vetëm këmbësorët dhe mjetet e tonazhit të rëndë, kamiona mallrash. Ndërsa autobusat, taksitë, apo çdo mjet tjetër i transportit të pasagjerëve, nuk do të lejohet të kalojë. Rikujtojmë qytetarët se hyrja për në shtetin grek, vijon të jetë e mbyllur”, njofton Stacioni i Policisë Kufitare Kapshticë.
Ndërkohë, më herët autoritetet greke kishin lajmëruar se dogana do të qëndronte e mbyllur, në të dy drejtimet, deri më datë 14 dhjetor.
