“Gjaku shkon me gjak” Paralajmëron xhaxhai i Klodian Rashës: Jemi 5 vëllezër, kam dhe 5 djem

Pas ngjarjes së rëndë në Tiranë, ku 25-vjeçari Klodian Rasha u ekzekutua nga një efektiv policie, janë shkaktuar debate të shumta në rradhën e opinionit publik.

Së fundmi, gazetarja Anila Hoxha ka intervistuar xhaxhain e të riut të ndjerë, Hasan Rashën.

Ai ka paralajmëruar që nëse policia nuk zbardh ngjarjen, atëherë nuk garanton se situata do të jetë e qetë.

“Familjarët kanë hedhur poshtë versionin e policisë. Në rast se nuk zbardhet ngjarja nuk e di si do shkojë kjo punë.

Kërkoj që të zbardhet kjo ngjarje se nuk e di si do shkojë puna. Ne nuk jemi një familje që kërkojmë sherr. Ne i shuajmë sherret”- tha xhaxhai i viktimës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“A do të thotë kjo se mund të shkoni në vetëgjyqësi?”, e pyeti Anila Hoxha.

‘Nuk e di si do shkojë kjo punë. Unë kam 5 djem vetë dhe jam i 5-ti vëlla. Gjaku shkon me gjak. Prandaj në kërkojmë nga shteti, prokuroria, policia dhe nga ju gazetarët të zbardhet kjo ngjarje’- tha Hasan Rasha.