Ditën e sotme deputetja Rudina Hajdari vendosi të protestonte para bustit të babait të saj, me pankartat që ngritën studentët shqiptare 30 vite më parë, në sheshin e Qytetit Studenti.
Ajo shton se ëndrra e babait të saj Azem Hajdari nuk u plotësua, dhe Shqipëria është ende larg Europës.
“30 vite më parë, më 8 dhjetor 1990 në këtë shesh u ngritën studentët me në krye Azem Hajdarin për liri e demokraci. Në 1990 unë isha 3 vjeç, sot jam 33 vjeç dhe nuk ndihem që ëndrra e atyre studentëve është plotësuar”, – tha deputetja.
Partitë politike, përfshirë edhe partia që babai i saj themeloi, sipas Rudina Hajdarit janë kthyer në parti diktatoriale, që po i detyrojnë të rinjtë të braktisin çdo ditë vendin e tyre.
“Më pas në këtë vend erdhën pushtetarë të cilët instaluan parti që sot janë kthyer në miniparti diktatoriale, të cukat operojnë në mënyrë autokratike, duke pasur kryetarë që s’i kanë më ato vlera për të cilat këta shqiptarë u ngritën”, – u shpreh e bija e Heroit të Demokracisë, Azem Hajdari.
Për këtë arsye ajo kërkoi që edhe një herë shqiptarët të bëhen bashkë për të sjellë ndryshimin që nuk erdhi plotësisht 30 vite më pare duke votuar partinë e re të krijuar prej saj.
LIGJET E BIZNESIT
