E rëndë/ Virusi i merr jetën biznesmenit të njohur shqiptar, reagon ish-kryeministri: Lajm pikëllues

Ditën e sotme ka ndërruar jetë nga C.OVID19 biznesmeni dhe nënkryetari i Shkupit Enver Maliqi,

Ky i fundit ishte dhe konsull nderi i Meksikës, ndërsa për më shumë se 30 vjet ka një kompani të suksesshme biznesi në Shqipëri, Kosovë dhe Maqedoni.

Lajmin e hidhur e kanë dhënë familjarët duke u shprehur se biznesmeni ka ndërruar jetë si pasojë e infektimit me virusin e rrezikshëm.

“Familja Maliqi me keqardhje të madhe dhe pikëllim të thelle ju informon se ndërroi jetë Enver Maliqi. Miqtë, familjarët dhe opinioni gjithashtu i informojmë që varrimi do të bëhet sipas protokolleve të Ministrisë së Shëndetësisë kundër Covid-19, në orën 13:45 tek varrezat në Butel. Ju jemi falenderues për fjalët tuaja në këto momente të vështira për familjen tonë”, njoftojnë familja Maliqi.

Ngushëllimet për ndarjen nga jeta të nënkryetarit të Shkupit i ka shprehur edhe kreu i AAK-së Ramush Haradinaj.

“Pikëllues lajmi për vdekjen e Enver Maliqit, nënkryetar i Shkupit.Ngushëllime për familjen, miqtë, qytetarët dhe institucionet e Bashkisë së Shkupit. U prehtë në paqe”, shkruan Haradinaj.