E rëndë/ Ishte i punësuar në fabrikën e kryebashkiakut socialist, humb jetën 43-vjeçari (EMRI)

Një ngjarje e rëndë ka ndodhur sot në një fabrikë peshku në fshatin Shelqet të Bashkisë Vau i Dejës.

Mësohet se një punonjës 43-vjeçar ka humbur jetën në vendin e punës.

Sipas informacioneve nga uniformat blu, viktima Ilirjan Doçi është aksidentuar në punë nga një portë elektronike e Fabrikës së peshkut Mare Adriatik.

Biznesi është në pronësi të kryebashkiakut socialist Mark Babani.

Pas aksidentit punonjësi është dërguar menjëherë në spital, por nuk ka mundur të mbijetojë.

Policia ndërkohë vijon hetimet për zbardhjen e plotë të rrethanave të ngjarjes.