LIGJET E BIZNESIT
Një lajm i hidhur vjen sot për qytetin e Beratit.
Mësohet se dy inxhinierë të cilët ishin të punësuar pranë dy institucioneve të rëndësishme kanë humbur jetën si pasojë e infektimit nga C.OVID19.
Bëhet fjalë për inxhinierin e Spitalit Rajonal të Beratit, 55-vjeçari Alfred Lulaj, dhe inxhinieri i OSHE-së, 60-vjeçari Armand Spathara.
Ata e kanë humbur betejën me virusin e rrezikshëm në orët e para të mëngjesit të sotëm.
Lulaj dhe Spathara ishin të shtruar prej dy javësh në Spitalin “Shefqet Ndroqi” në Tiranë,ku ishin të intubuar.
Mësohet se asnjëri prej tyre nuk vuante nga ndonjë sëmundje bashkëshoqëruese.
Ata ishin transportuar rreth dy javë më parë nga Spitali i Beratit drejt spitalin “Shefqet Ndroqi” në Tiranë, në gjendje të rënduar. Pas disa ditësh në intubim, gjendje e tyre është përkeqësuar, ata kanë shfaqur komplikacione dhe kanë ndërruar jetë.
55-vjeçari Alfred Lulaj kishte 10-vjet që punonte si inxhinier në Spitalin Rajonal Berat,ndërkohë që 60-vjeçari Armand Spathara mbante mbi supe një karrierë prej më shumë se 20-vitesh në drejtorinë e OSHEE-së Berat, ku punonte si inxhinier në sekrorin e dispeçerisë. Pas vdekjes së tyre, kanë qënë të shumta mesazhet e ngushëllimit në rrjetet sociale nga miq e kolegë të dy inxhinierëve për familjarët e tyre.
