E papritur/ Paditet në SPAK Ardi Veliu, ja 5 veprat penale për të cilat akuzohet

Drejtori i Përgjithshëm i Policisë Ardi Veliu është paditur në SPAK nga Partia Demokratike.

Në njoftimin zyrtar të publikuar sot bëhet me dije se Veliu është paditur për të paktën 5 vepra penale që policia ka kryer gjatë protestave për 25-vjeçarin Klodian Rasha, i cili u vra nga efektivi i policisë.

Partia Demokratike ka kërkuar pezullimin nga detyra të Veliut deri sa të përfundojnë hetimet, pasi ai ka shpërdoruar detyrën, ka kryer veprime arbitrare, ka penguar qytetarët të grumbullohen dhe nuk ka marrë masa për të ndërprerë gjendjen e paligjshme.

NJOFTIMI I PLOTE:

PD padit Ardi Veliun në SPAK: Urdhëroi dhunën kundër protestuesve dhe qytetarëve të tjerë. Ja 5 veprat penale për të cilat kërkohet pezullimi i Drejtorit të Përgjithshëm të Policisë deri në përfundim të hëtimeve.

Partia Demokratike paditi Drejtorin e Përgjithshëm të Policisë, Ardi Veliu për 5 vepra penale, të kryera gjatë protestave të ditëve të fundit, pas ekzekutimit nga policia të një të riu 25 vieçar. Kërkesa e Partisë Demokratike i është drejtuar Prokurorisë së Posaçme, SPAK, që duhet të kërkojë pezulliminne Ardi Veliut nga detyra deri në përfundimin e hetimeve. Në padinë e dorëzuar në SPAK, Partia Demokratike argumenton me detaje sesi Ardi Veliu ka shkelur ligjin, duke kryer të pesta veprat penale, si:

1. Shpërdorim i detyrës
2. Kryerja e veprimeve arbitrare
3. Pengimi në të drejtën për t’u shprehur, grumbullusr dhe manifestuar
4. Dëmtime të tjera me dashje
5. Mosmarrja e masave për të ndërprerë gjendjen e paligjshme.

Në padinë penale ndaj Drejtorit të Përgjithshëm të Policisë, Partia Demokratike vë në dukje se “në protestat paqësore për të kundërshtuar frymën e represionit policor dhe të abuzivizmit qeverisës, është vënë re përdorim i teprusr i dhunës policore, përdorimi në mënyrë të çmendur i gazit lotsjellës. Ai është hedhur në sasi shumë të mëdha në Bulevard dhe në zonat rezidenciale me densitet të lartë qytetarësh, që nuk ishin pjesë  e protestës”.

Duke i vënë në dispozicion SPAK-it fakte konkrete, në padi theksohet se, me urdhër të Ardi Veliut, është uahtruar dhunë barbare ndaj të miturve, kanë ndaluar në mënyrë abuzive çdo njeri që lëvizte në rrugë, pa qenë pjesë e protestës.

“Me anë të këtij kallëzimi, marrim përsipër të bëhemi përçues të zërit të atyre qytetarëve të ndershëm të këtij vendi, të cilët besojnë se ligji është një dhe i barabartë për të gjithë dhe që ende kanë shpresën se vetëm zbatimi i Ligjit do ta çojë drejt përsosjes shoqërinë tonë.”- i drejtohet Partia Demokratike SPAK-ut, duke i kërkuar marrjen nën hetim të Drejtorit të Përgjithshëm të Policisë, Ardi Veliu dhe pezullimit të tij nga detyra.