E papritur/ Nuk është izoluar asnjëherë që prej fillimit të pandemisë, ky shtet vendos të mbyllë kufijtë

Për herë të parë që nga fillimi i pandemisë, Suedia do të mbyllë kufinjtë për shtetasit nga Britania e Madhe dhe Danimarka, për shkak të shfaqjes së variantit të ri të k oronavirusit në këto shtete, në një kohë që një vendim i tillë nuk ishte menduar asnjëherë.

Sipas BBC, deri tani më shumë se 40 shtete ua kanë ndaluar hyrjen qytetarëve britanikë.

“Për të zvogëluar rrezikun nga përhapja e mëtejme këtu, qeveria sot ka marrë vendimin për ndalimin e hyrjes”, ka thënë Ministri i Punëve të Brendshme, Mikael Damberg, gjatë një konference për mediat.

Kjo ndalesë do të hyjë në fuqi sonte pas mesnate dhe për 48 orët e ardhshme Suedia do të anulojë të gjitha fluturimet nga Britania e Madhe.