Dy ditë pasi Rama i emëroi/ Meta merr vendimin më të fundit ndaj ministrave Xhaçka e Peleshi

Ky i fundit ka shkarkuar kryeministrin Edi Rama nga posti që mbante si Ministër i Jashtëm dhe ka dekretuar Olta Xhaçkën.

Gjithashtu Kreu i Shtetit ka pranuar dhe dekretin për emërimin e Niko Peleshit në postin e ministrit të Mbrojtjes, vend ky që mbeti bosh pas emërimit të Xhaçkës si ministre e Jashtme.

Kujtojmë se, për shkak se Meta nuk pranoi te dekretonte Gent Cakajn si ministër të Jashtëm vite më parë, postin e mori Rama, i cili emëroi shqiptarin e Kosovës “Ministër në detyrë”.

Njoftim i Institucionit të Presidentit të Republikës 31 dhjetor 2020

Presidenti i Republikës, Sh.T.Z Ilir Meta ka dekretuar sot shkarkimin e zotit Edi Rama nga detyra e ministrit për Europën dhe Punët e Jashtme dhe zonjës Olta Xhaçka nga detyra e ministrit të Mbrojtjes. Po sot, Presidenti Met ka dekretuar emërimin e zonjës Olta Xhaçka në detyrën e ministrit për Europën dhe Punët e Jashtme dhe zotit Niko Peleshi në detyrën e ministrit të Mbrojtjes.