“Do ishin 16 finalistë, por…” Këngëtarja i nxjerr ‘të palarat’ Festivalit të Këngës: Shumë brryla, u lodha

Ditën e sotme është publikuar lista e 18 finalistëve të parë të Festivalit të Këngës në RTSH.

Mesa duket ka patur dhe këngëtarë të pakënaqur, pasi nuk mundën të kalonin në natën finale të festivalit.

Një prej tyre është dhe Enxhi Nasufi, e cila nuk ka ngurruar ta shfaqë hapur pakënaqësinë ndaj këtij evenimenti të përvitshëm.

Ajo ka treguar se në finale duhet të shkonin 16 këngëtarë, por papritur u shtuan edhe dy të tjerë.

“Do të ishin 16 finalistë, por rrugës u shtuan edhe 2, sepse bëhet fjalë për çështje shumë të rëndësishme, ndarje tokash. Shumë brryla, shumë miq, shumë ujqër… nja 2 u shtuan rrugës dhe sigurisht nuk kishte vend për mua aty. Por shyqyr Zotit, isha lodhur me thënë të drejtën dhe doja të pushoja dhe jam shumë e lumtur që jam në shtëpi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Megjithatë nuk i dihet unë do të marr pjesë prapë në festival në të ardhmen, ndoshta në kushte dhe rrethana të tjera, por sigurisht vetvetja me sinqeritetin tim që më karakterizon, ku sipas shumë njerëzve sinqeriteti është virtyt i budallait, por unë mendoj që jo dhe ngulmoj që jo. Kaq kisha suksese të gjithëve”, është shprehur Enxhi Nasufi.