“Dhe unë kam humbur një fëmijë” Rrëfehet Lleshaj: Për shkak të veprimit të gabuar të një efektivi, më ka dhembur

Ministri i Brendshëm i dorëhequr Sandër Lleshaj, foli në lidhje me vendimin e tij duke thënë se e quante një akt njerëzor, moral dhe politik.

Lleshaj tha se nuk kishte asnjë përgjegjësi për ngjarjen, ndërsa shprehu keqardhjen për familjen që humbi djalin.

Gjatë programit “Opinion”, Lleshaj rrëfeu për herë të parë dramën që kishte kaluar në jetën e tij.

Ai u shpreh se e kuptonte mjaft çfarë do të thoshte humbja e një fëmije, pasi dhe vetë kishte jetuar një fatkeqësi të tillë.

“Edhe unë kam humbur një fëmijë. Ajo që ndodhi për shkak të një veprimi të gabuar të një efektivi, më ka dhembur. Ka ndodhur për shkak të neglizhencës së policisë, kjo më shtyu që të jap dorëheqjen dhe e di se çfarë është kjo dhimbje. Është një dhimbje e madhe. Nuk e kam treguar kurrë më parë këtë gjë”, u shpreh Lleshaj.