Dalin pamjet nga brenda/ Ky është burgu ku po mbahet Hashim Thaçi dhe ish-komandantët e UÇK pas akuzave të Hagës

Ish-presidenti i Kosovës Hashim Thachi dhe ish-komandantët e UÇK ndodhën prej disa javësh në burg, në pritje të nisjes së gjykimit pas akuzave të Hagës për krime lufte.

Ndërkohë qelitë ku ata po mbahen aktualisht ndodhen në periferi të qytetit, më saktësisht në Haaglanden të Scheveningen.

Ky burg është unik në Holandë pasi është i vetmi që ka një qendër kujdesi ku të paraburgosurit që kanë nevojë mbahen 24 orë në ditë.

Mund të bëhet fjalë për një kujdes fizik por dhe psikologjik, ose kombinim i të dyjave.

Në të mund të strehohen rreth 200 të arrestuar.

Të paraburgosurve u lejohet qasja ditore në ajër të pastër dhe ushtrime fizike, si dhe mundësia për të marrë pjesë në aktivitete të tjera të përshtatshme. Atyre u lejohet të lexojnë dhe shkruajnë materiale dhe kanë qasje në një bibliotekë që përmban libra, revista dhe gazeta në gjuhët e tyre amtare.

Përveç kësaj,  të burgosurit kanë mundësi të përdorin programe radio dhe televizive, të marrin pjesë në shërbimet fetare ose shpirtërore të disponueshme.