Ashtu siç paralajmëruan/ Protestuesit mblidhen sërish para Kryeministrisë, por marrin një vendim

Ashtu siç njoftuan dhe më parë, protestuesit kanë nisur sërish të grumbullohen para Kryeministrisë.

Ata kanë deklaruar se protesta do të riniste në orën 22.00, kohë kur nis dhe ora policore.

Kjo në shenjë revolte ndaj vrasjes së 25-vjeçarit Klodian Rasha që theu orën policore e nuk iu bind urdhrit të policit për të ndaluar.

Por pak pas grumbullimit para godinës së Kryeministrisë, protestuesit kanë vendosur të marshojnë drejt shtëpisë së Klodian Rashës, të ekzekutuar nga një efektiv i forcave “Shqiponja” një ditë më parë në Tiranë.