Arma e gjetur afër vendit ku u vra Klodian Rasha çohet për ekspertizë jashtë shtetit, kujt i përket

Arma që u gjet rreth 200 metra larg vendit ku 25-vjeçari Klodian Rasha nga efektivi i policisë Nevaldo Hajdaraj, mbetet një mister edhe për Prokurorinë.

Ekspertiza nuk ka nxjerrë asnjë rezultat konkret, duke qenë se ajo u gjet në një pellg me ujë dhe nuk është bërë e mundur që të identifikohen shenja gishtërinjsh.

Ndërkohë prokuroria po heton nëse arma i përkiste viktimës, apo është hedhur nga ndonjë person tjetër pas ngjarjes.

Zbardhja e detajeve për armën bëhet edhe më e vështirë, pasi në vendin ku ajo është gjetur nuk ka kamera sigurie.

Sipas informacioneve nga prokuroria, arma tip “Zoraki” do të dërgohet për një ekspertizë në një laborator jashtë vendit.

Pritet që ekspertiza në një laborator më të sofistikuar të zbulojë ndonjë shenjë të personit që e ka pasur këtë armë.

Prokuroria ka bërë me dije se në përfundim të të gjitha hetimeve do të ashpërsojë akuzën ndaj policit Nevaldo Hajdaraj.