Aksident i rëndë që në mëngjes/ Makina del nga rruga, dy persona humbin jetën

Një aksident i rëndë ka ndodhur sot në aksin rrugor Levan-Qarr në Fier.

Mësohet se makina me të cilën udhëtonin dy persona ka dalë nga rruga, dhe për pasojë ka rënë në kanal.

Sipas informacioneve për shkak të përplasjes kanë ndërruar jetë të dy personat që ndodheshin në të.

Policia ka mbërritur në vendin e ngjarjes dhe po heton për të zbardhur shkaqet e aksidentit.

Viktimat ende nuk janë identifikuar ndërkohë zjarrfikësja po punon për të nxjerrë trupat e tyre nga makina.