LIGJET E BIZNESIT
Përveç sigurimit të vaksinës së Covid, një nga shqetësimet më të mëdha është edhe zinxhiri ftohës i saj, pasi kërkon kushte ruajtje deri në -80 gradë celsius, si asnjë vaksinë tjetër më përpara.
Mjeku Dritan Ulqika zbuloi mbrëmjen e djeshme COVAX i ka dërguar një letër ministrisë së Shëndetësisë ku njofton se Shqipëria do të pajiset me vaksina brenda tre muajve të parë të vitit.
“COVAX ka sjellë një letër tek ministria e Shëndetësisë ku thotë se brenda tre muajve të parë të vitit vjen vaksina në Shqipëri. Ky është një lajm i mirë”, tha Ulqinaku. Lajmi u konfirmua edhe nga Skënder Brataj, ku sipas tij, letra ka disa javë që ka mbërritur, ndërsa shtoi se janë siguruar frigoriferë për 30 mijë doza.
“Letra ka disa javë që ka ardhur dhe thotë se brenda tre muajsh nis vaksnimi në vendin tonë. Sapo ma konfirmoi Silva Bino. Kemi siguruar frigoriferë -80 gradë për 30 mijë doza vaksine.”, tha Skënder Brataj. Ai shtoi më tej se marrëveshja me COVAX është e sigurtë, edhe pse kjo kompani nuk ka marrë asnjë dozë të vaksinave nga Pfizer, pasi ato u janë dhënë më herët shteteve të mëdhaja, që kanë financuar drejtpërdrejtë për kompaninë.
“Në fillim kur flisnim në këto studio nuk mendonim se do kishim një vaksinë deri vitin tjetër. Pastaj kemi menduar se do të ketë vetëm një prodhues. Në janar mund të ketë edhe vaksina të tjera të çertifkuara. Ajo që thotë media është tjetër. Nuk mund të dështojë Covax. Ne jemi pjesë e një marrëveshje dhe kur je pjesë e marrëveshjes nuk ka si dështon. Ato tjerat janë çështje administrative.
Ne kemi marrëveshje me Covax, kemi shkuar në kompanitë e vaksinës si Pfizer, kemi marrëveshje me Këshillin e Europës. Këto janë 3 rrugë për të siguruar vaksinën e cila do mbërrijë në muajt e parë të vitit”- tha Brataj.
