“A je gati për të bërë 1 vit burg?” Moderatorja e pyet për ndalimin e Meme-ve, ja si përgjigjet Genc Sejko

Debate të forta janë krijuar në opinionin publik në lidhje me draftin që doli disa ditë më parë për ligjin anti-shpifje.

Ndërkohë mbrëmjen e sotme në programin “Open” po diskutohet pikërisht e njëjta temë.

Në një lidhje me Skype, Genc Sejko teksa po fliste për draftin që qarkulloi në media për ndalimin e MEME-ve ka nisur të qeshë në momentin që u pyet për burgun nga moderatorja Eni Vasili.

“A je gati për një vit burg?”- e pyeti ajo.

“A vetëm për një meme (qesh), se kam bërë shumë…(qesh). Aty thotë 1 vit për një meme. Mua më duket se është një largim i vëmendjes nga problematikat reale që shqetësojnë Shqipërinë. Ka një javë që flitet për memet, ndërkohë që vazhdojnë problemet si pandemia apo integrimi në BE”- tha Sejko.