“A do dilje në protestë po mos ishte ministër?” Ja si përgjigjet i sapozgjedhuri Bledi Çuçi

Ministri i ri i Brendshëm Bledi Cuçi  është pyetur mbrëmjen e sotme nëse do dilte në protestë pas vrasjes së Klodian Rashës nëse nuk do mbantë këtë post.

Ai nuk ka preferuar të japë një përgjigje, duke thënë se nuk di të thotë po, por as jo për këtë gjë, por është plotësisht në mbështetje të protestës.

I ftuar në programin “Open”, gjithashtu Çuçi bëri ndasinë me ministrat e tjerë. Ai shtoi se dëshiron të mbetet ai lloj Ministri i Brendshëm që nuk vesh kurrë uniformë dhe nuk vë kurrë kapele.

“Nuk di të them as po e as jo. Nuk mund të jap një përgjigje të prerë. Unë jam një person me një background juridik dhe e di shumë mirë se si funskionon një çështje, por nuk mendoj se është e nevojshme të them unë nëse do të dilja apo jo. Unë jam nga ato ministra dhe shpresoj të mbeten nga ata që nuk do vesh ndonjëherë uniformë apo të vendos kapele,”- tha Çuçi.