LIGJET E BIZNESIT
Një ngjarje e rëndë ndodhi në spitalin “Shefqet Ndroqi” dy ditë më parë.
Pacienti 52-vjeçar Preng Gjonaj, i infektuar me COVID19, u hodh nga kati i katërt i spitalit dhe për pasojë humbi jetën.
Ndërkohë, mjekja e njohur psikiatre Ariana Rreli, ka zbuluar se i ndjeri ka kërkuar orarin e mjekimit pak minuta përpara se të kryente aktin e rëndë.
E ftuar në “ABC e Mëngjesit”, ajo u shpreh se një nga arsyet pse të sëmurët rëndohen nga ana psikologjike është sepse medikamenti “Remdesivir”, jep efekte psiqike.
Ajo theksoi se ky ilaç është i njëjti me atë që përdori presidenti i SHBA, Donald Trump.
“Redemsivir jep efekte psikike dhe i sëmuri që u hodh tek ‘Shefqet Ndroqi’ veproi papritur. Kërkoi orarin e mjekimit pak minuta para se të vetehidhej. Redemsivir është ilaçi që përdori Trump”, tha Rreli.
