Trajtoi qindra të infektuar/ Preket nga virusi shefja e Epidemiologjisë në Shkodër

Shefja e Epidemiologjisë në Shkodër, Dhurata Hysa ka rezultuar pozitive me virusin.

Infektimi ka ardhur pas afro 8 muajsh pune intensive në trajtimin e qindra të infektuarve.

Mbrëmjen e djeshme Hysa është izoluar në banesë duke zbatuar protokollin e sigurisë dhe kohën që duhet për tu shëruar.

Sipas burimeve shefja e Epidemiologjisë gëzon gjendje të mirë shëndetësore dhe nuk ka shfaqur shenja, por ka rezultuar pozitive pas tamponit të bërë.

Kujtojmë që Shkodra ka qenë një vatër e nxehtë e C.ovid-19 në Shqipëri, që prej shpërthimit të pandemisë në vendin tonë.