Sot protestuan/ Nuk ndalen studentët, dalin me paralajmërimin e fortë: Ja ç’do të ndodhë nesër

Pas vendimit të Komitetit Teknik të Ekspertëve për mbylljen e universiteteve dhe konvikteve prej situatës nga COVID19, studentët protestuan sot përpara godinës së Ministrisë së Arsimit.

Ndërkohë njëri prej tyre që është dhe aktivist prej disa kohësh, Fation Biba paralajmëroi se protesta do të vijojë dhe nesër.

Në një lidhje direkte për ‘Friend Zone’, ai u shpreh se studentët do të bojkotojnë mësimin pasi gjithçka është hapur nga baret e lokalet, ndërsa vetëm universitetet nuk lejohen.

“Unë që kam ardhur nga rrethet kam paguar qiranë janë kosto të çuara dëm. Po ta vini re gjithçka është e hapur, vetëm në auditore nuk mund të bëhet mësim. Lokalet, baret janë të hapura, ndërsa studentët nuk lejohen.

Anglia dhe Gjermania po ndjek udhëzimet, ndërsa ne duam të trajtohemi si të barabartë. Ne kemi bërë mësim  online për 3 muaj dhe nuk mësohet nga telefoni, pasi jo të gjithë kanë mundësi si internet.

Unë shpresoj të kemi një mbështetje më shumë studentë, mësimi online duhet bojkotuar se kjo hajde flasim na është bërë si fjalë e frikshme”, tha Biba.