“Situata është shume serioze” Kjo është kërkesa e fortë që dy mjekët e njohur i bënë Bashës sot në takim

Ditën e sotme një grup mjekësh zhvilluan një takim me kryetarin e Partisë Demokratike Lulzim Basha.

Në fokus të bisedës ishte mënyra se si po përballohet pandemia në vend.

Dy prej mjekëve të pranishëm në takim, Lufti Lisha dhe Edlira Beqiri thanë se është e nevojshme që spitalet rajonale të hapen dhe për pacientët me C.OVID19.

Mjeku Lisha tha se pasi Ministria e Shëndetësisë ndaloi përdorimin e bombolave të oksigjenit në banesë, është e nevojshme të krijohen ambiente të veçanta, vetëm për ofrimin e oksigjeno-terapisë.

Pjesë nga fjala e mjekëve:

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Situata është shumë serioze, tamponët janë e vetmja metodë diagnostikimi. Teoria që me tamponët nuk kanë patur sukses shtetet e tjera të fuqishme, nuk është e saktë. Një pyetje është nëse nuk ka rezultuar efektive, pse nuk ndalojnë tamponët këto shtete. Të vijmë te hapi i fundit për rimbursimin e medikamenteve, si do të rimbursohen nëse nuk janë diagnostikuar me Covid, dhe diagnoza është vetëm tamponi.

Duhet të ketë ambiente për oksigjenoterapi. Mund të bëhet thjeshtë fare, pa qenë nevoja për monitorim intensiv. Me disa infermierë që kanë njohuritë bazë.

Jam dakord, mund të hapen spitalet rajonale dhe ta ofrojnë këtë. Duhet të hapen siç janë, me infrastukturën që kanë. Për të lehtësuar edhe atë mbingarkesën që kanë spitalet C.ovid 1,2,3.