“Shikoni si digjen votat” Djali i Donald Trump nuk ndal akuzat, ja pamjet që nxjerr: Ishin hedhur për babain tim

Vijon gara e ethshme e zgjedhjeve presidenciale në SHBA.

Ndërkohë që akuzat nuk janë ndalur nga ana e demokratëve për vjedhje votash, sidomos nga presidenti Donald Trump, duket se të njëjtën linjë ka ndjekur dhe djali i tij Eric Trump.

Ai ka publikuar një video ditën e mërkurë, ku shfaqet një burrë me një qese plastike plot letra që i ngjajnë fletëve të votimit, të cilat ai më pas i vuri flakën. Fytyra e personit nuk tregohet në video, e cila është konsideruar e rreme dhe nga mediat, ndërsa në masë të madhe është ndaluar përhapja e saj.

Gjatë pamjeve, burri pretendon se brenda ka 80 fletë votimi “të gjitha për Presidentin Trump”.

Edhe pse në video nuk përcaktohet vendndodhja, emrat e kandidatëve sugjerojnë se është bërë në Virginia.

Nga ana tjetër zyrtarët e këtij qyteti kanë theksuar se bëhet fjalë për kopje të fletëve të votimit, dhe jo të vërteta.

Sipas tyre ato nuk përmbajnë elementët thelbësore të sigurisë si dhe barkodin që duhet të kenë fletët origjinale.

“Një qytetar i shqetësuar ndau një video me ne që në dukje tregon dikë që digjet fletët e votimit. Ato nuk janë fletëvotime zyrtare, ato janë kopje të votave”, janë shprehur zyrtarët në Virxhinia të cilët shtojnë se po vijojnë hetimet për ngjarjen.

Po pavarësisht këtyre reagimeve, Eric Trump e ndau videon në llogarinë e tij në rrjetet sociale, duke shkruar “Djegia e 80 Votave të Trump”, ndërkohë që postimi që ai ka rishpërndarë është bllokuar.

Sidoqoftë, djali i presidentit ka refuzuar të heqë postin e tij, pavarësisht se mori një përgjigje të shpejtë nga vetë nga autoritetet e qytetit të Virxhinias duke përsëritur se “ato ishin mostra të votave”.

Postimi i tij erdhi ndërsa kandidati demokrat Joe Biden fitoi 13 votat elektorale të shtetit pasi kishte një epërsi ndaj Trump.

Eric, i cili është dhe këshilltar i presidentit, vazhdimisht ka hedhur akuza në këto orët e fundit për manipulimin e zgjedhjeve, ndërkohë që numërimi i votave vijon ende në disa shtete, e ku sipas të gjitha projeksioneve, Bidenit i duhen dhe vetëm 6 vota elektorale për të shpallur fitoren.